ክቡር አምባሳደር አደም መሐመድ ከኢትዮጵያ ኮሚኒቲ ተወካዮች ጋር ተወያዩ

ሚያዚያ 02 ቀን 2015 ዓ.ም፣ አንካራ

በቱርኪዬ የኢትዮጵያ ባለሙሉ ስልጣን አምባሳደር ክቡር አደም መሐመድ በዋና ዋና የአገራችን ጉዳዮች ላይ በቱርኪዬ ከሚገኘው የኢትዮጵያ ኮሚኒቲ ተወካዮች ጋር በZOOM የበይነ-መረብ ውይይት ያካሄዱ ሲሆን፣ የተጀመረው የሰላም ስምምነት አተገባበር፣ እ.ኤ.አ ከኤፕሪል 26-28 ቀን 2023 በአገራችን ስለሚካሄደው የኢንቨስትመንት ፎረምና ስለ ገበታ ለትውልድ ፕሮጀክት ገለጻ አድርገዋል።

ክቡር አምባሳደር በአገራችን የተጀመረው የሰላም ጎዳና ከግብ እንዲደርስ የኢትዮጵያ ኮሚኒቲ የበኩሉን ሚና እንዲጫወት ያሳሰቡ ሲሆን፣ ኢትዮጵያውያን እና ትውልደ ኢትዮጵያውያን በገበታ ለትውልድ ፕሮጀክት ንቁ ድጋፍ እና ተሳትፎ በማድረግ የአገራችንን የመስህብ ቦታዎች ለጎቢኝዎች ምቹ እና ተደራሽ እናድርግ በማለት ጥሪ አስተላልፈዋል።

በውይይቱ ወቅት ከተሳታፊዎች በኩል ጥያቄዎች እና አስተያየቶች የተሰነዘሩ ሲሆን፣ በቱርኪዬ የኢትዮጵያ ኮሙኒቲ የተጀመረውን የሰላም መንገድ ከግብ ለማድረስ እና በገበታ ለትውልድ ፕሮጀክት በሚችሉት ሁሉ በንቃት ለመሳተፍ እና ድጋፍ ለማድረግ ያላቸውን ቁርጠኝነት አረጋግጠዋል።